Miðstöð Einkasafnsins

Einkasafnið er verkefni sem myndlistamaðurinn Aðalsteinn Þórsson byrjaði markvisst að vinna að árið 2001. Hann gengur út frá því að afgangar neyslu sinnar séu menningar verðmæti á svipaðan hátt og litið er á hafðbundna sköpun, afganga hugans sem menningarverðmæti. Hann leitast við að halda til haga öllu því sem gengur af í sinni daglegu neyslu. Það er uppistaðan í þessu sístækkandi safni sem auk þess inniheldur starfænt safn ljósmynda og myndbandsupptökur, þar sem skráð er söfnun lífrænna afgangna og fylgst er með ferlum lífs, vexti og niðurbroti. Vorið 2017 hófst Aðalsteinn handa við byggingu Miðstöðvar Einkasafnsins, heimili þess þar sem hægt er að sjá safnkostinn til frambúðar. Fyrsti áfangin var opnaður í Júní 2018. Stefnan er alltaf að Einkasafnið verði sjálfbær eining hvað varði orkuöflun og meðferð úrgangs. Á þennann hátt gefi Einkasafnið eins heillega mynd af fyrirferð einstaklings í umhverfinu og kostur er og skoðar um leið áhrif þessarar fyrirferðar á umhverfið.